ცენტრალურმა საარჩევნო კომისიამ განაახლა “საქართველოს პატრიოტთა ალიანსის” მიერ მიღებული ხმების რაოდენობა ისე, რომ უცვლელად დატოვა მანამდე დათვლილი უბნების რაოდენობა.

მაგალითად, დღეს, 12 საათისთვის ჩვენ ცესკოს ვებ-გვერდიდან გადავიღეთ სქრინი, რომელიც ასახავს უბნების 99.92%-ის დათვლის შედეგებს და რომელშიც წერია, რომ პატრიოტებმა მიიღეს 88 032 ხმა, ანუ საერთო მიღებული ხმების – 1 762 975 ხმის 5%, თუმცა რეალურად, ეს იყო ხმების 4.99%.

პარტიოტთა ალიანსის მიერ მიღეული ხმების რაოდენობა დაახლოებით დღის 12:00 საათზე.

მას შემდეგ, რაც ჟურნალისტებმა აღნიშნული უზუსტობის გამორკვევა დაიწყეს, ცესკომ მონაცემი შეცვალა. კერძოდ, 14:10 საათის მდგომარეობით, დათვლილია ისევ უბნების 99.92%, თუმცა ამჯერად 88 132 ხმა მიიღეს პატრიოტებმა, რაც ამჯერად საერთო მიღებული ხმების – 1 763 194 ხმის 5% მაინც არ გამოდის, ვინაიდან ასეთ შემთხვევაში ამ პარტიას უნდა ჰქონდეს 88 159 ხმა.

სქრინი ცესკო საიტიდან 14:10 საათის მონაცემებით. 10.10.2016