მას შემდეგ, რაც ენმ-ის პროპორციული საარჩევნო სიის პირველმა ნომერმა, დავით ბაქრაძემ, ვარდების მოედანზე შეკრებილ საზოგადოებას მიმართა, აქციაში ჩაერთო საქართველოს წინა პრეზიდენტი, მიხეილ სააკაშვილი უკრაინიდან. ფოტოზე ჩანს, აქციის ერთ-ერთი მთავარი ეკრანის უკან “ქართული ოცნების” რეკლამა. 05.10.2016. ფოტო © ნეტგაზეთი/ლუკა პერტაია

ენმ-ის მხარდამჭერები ვარდების მოედანზე შეკრებას 17:00 საათამდე განაგრძობდნენ. აქციაზე ნახავდით პოსტერებს საქართველოს ყოფილი პრემიერ-მინისტრის, ბიძინა ივანიშვილის წინააღმდეგ მიმართული წარწერებით. 05.10.2016. ფოტო © ნეტგაზეთი/ლუკა პერტაია

ენმ-ის აქციაზე, თბილისის გარდა, იმყოფებოდნენ პარტიის მხარდამჭერები საქართველოს სხვადასხვა რეგიონიდან – სამეგრელოდან, კახეთიდან და ა.შ. ფოტოზე ჩანს ენმ-ის მაჟორიტარი დეპუტატობის კანდიდატი, ახმედ იმამყულიევი მარნეულში. 05.10.2016. ფოტო © ნეტგაზეთი/ლუკა პერტაია

“ერთიანი ნაციონალური მოძრაობის” მხარდამჭერებმა ვარდების მოედანზე შეკრება დღის სამი საათიდან დაიწყეს. 05.10.2016. ფოტო © ნეტგაზეთი/ლუკა პერტაია

ენმ-ის ლიდერებს გამოსვლის დაწყება 16:00 ჰქონდათ დაგეგმილი, თუმცა იმის გამო, რომ აქციის მონაწილეებს რეგიონებიდანაც ელოდებოდნენ, ლიდერებმა სიტყვით გამოსვლა 17:00-ზე დაიწყეს. 05.10.2016. ფოტო © ნეტგაზეთი/ლუკა პერტაია

ენმ–ის მხარდამჭერები ვარდების მოედანზე აქციის დაწყებიდან 10 წუთში. ფოტო © ნეტგაზეთი/გიორგი დიასამიძე

სანამ ენმ-ის მოედანზე პარტიის მხარდამჭერები იკრიბებოდნენ, მოედნის მიმდებარე ტერიტორიაზე გამოჩნდნენ “ქართული ოცნების” მაისურებში ჩაცმული ახალგაზრდები. მათ “ნეტგაზეთს” უთხრეს, რომ აქციაზე ენმ-ის მხარდამჭერი მეგობრები მოაცილეს, შემდეგ კი ტერიტორია დატოვეს. 05.10.2016. ფოტო © ნეტგაზეთი/გიორგი დიასამიძე

ენმ-ის აქციისას და მსვლელობისას შეამჩნევდით დრონს (მფრინავ ვიდეოკამერას), რომელზეც გამობმული იყო ცოცხი. 05.10.2016. ფოტო © ნეტგაზეთი/გივი ავალიანი

ენმ-ის მხარდამჭერები ვარდების მოედანზე. 05.10.2016. ფოტო: EPA/ზურაბ ქურციკიძე

ენმ-ის აქციაზე, სხვა ლიდერებთან ერთად, იმყოფებოდა გივი თარგამაძე, რომლის კუთვნილი ავტომანქანა წინა საღამოს, 4 ოქტომბერს, აფეთქდა. ფოტოზე თარგამაძესთან ერთად (მარჯვნივ) ჩანან პარტიის კიდევ ერთი ლიდერი გიგა ბოკერია (მარცხნივ) და ლევან რამიშვილი (შუაში). 05.10.2016. ფოტო © ნეტგაზეთი/გივი ავალიანი

ენმ-ის მხარდამჭერები რუსთაველის გამზირიდან თავისუფლების მოედნისკენ მიემართებიან. 05.10.2016. ფოტო: EPA/ზურაბ ქურციკიძე

მას შემდეგ, რაც ენმ-ის ლიდერებმა ამომრჩეველს სიტყვებით მიმართეს, “ნაციონალური მოძრაობის” მხარდამჭერები ლიდერებთან ერთად თავისუფლების მოედნისკენ გაემართნენ. ფოტოზე ჩანან “ქართული ოცნების” შტაბის თანამშრომლები, რომლებიც ენმ-ის მსვლელობას ოფისის აივნიდან ადევნებენ თვალს. 05.10.2016. ფოტო © ნეტგაზეთი/ლუკა პერტაია

აქციაზე სხვადასხვა რეგიონიდანაც ჩამოვიდნენ პარტიის მხარდამჭერები. ფოტოზე ჩანან ენმ-ის მხარდამჭერები სენაკიდან. 05.10.2016. ფოტო © ნეტგაზეთი/ლუკა პერტაია

ენმ-ის მხარდამჭერი აქცია-მსვლელობის მონაწილეები თავისუფლების მოედანს უახლოვდებიან. 05.10.2016. ფოტო © ნეტგაზეთი/გივი ავალიანი

“ერთად გავიმარჯვებთ” – წერია ენმ-ის მხარდამჭერების ერთ-ერთ დიდ პლაკატზე. 2016 წლის საპარლამენტო არჩევნებამდე 3 დღე რჩება – არჩევნები 8 ოქტომბერს გაიმართება. 05.10.2016. ფოტო © ნეტგაზეთი/ლუკა პერტაია

აქცია-მსლველობის მონაწილეები თავისუფლების მოედნამდე ჩამოვიდნენ, წმ. გიორგის ძეგლს შემოუარეს და რამდენიმე წუთის შემდეგ დაშლა დაიწყეს. 05.10.2016. ფოტო © ნეტგაზეთი/ლუკა პერტაია

ენმ-ის მხარდამჭერი აქცია-მსვლელობის მონაწილეები თავისუფლების მოედანზე, წმ. გიორგის ძეგლთან. 05.10.2016. ფოტო © ნეტგაზეთი/ლუკა პერტაია