პარტია “ერთიანი ნაციონალური მოძრაობის” ერთ-ერთი ლიდერი, გიგა ბოკერია აცხადებს, რომ ენმ-ის დეპუტატ გივი თარგამაძის მანქანის აფეთქებაში შესაძლოა სახელმწიფო უსაფრთხოების სამსახური, კერძოდ კი, სამსახურის უფროსის მოადგილე იოსებ გოგაშვილი იყოს ჩართული, რადგან მას თარგამაძესთან პოლიტიკური დაპირისპირება ჰქონდა.
“ყველამ იცის, ვისთან ჰქონდა გივი თარგამაძეს პოლიტიკურად დაპირისპირება – ეს არის სუსი და მისი უფროსი [იოსებ] გოგაშვილი. ეს საჯაროდ ცნობილი ამბავია. რა თქმა უნდა, ყველას გვაქვს საფუძველი, რომ ეჭვმიტანილებად ჩავთვალოთ ისინი. მაგრამ ყველა შემთხვევაში, იქამდეც კი, სანამ რამეს ვიტყვით და მოგვეცემა უფრო მეტ დეტალზე რამის თქმის საშუალება, ეჭვმიტანილი, ბრალდებული და განაჩენგამოტანილია ივანიშვილი ამ ვითარების შექმნაში,” – განცხადა გიგა ბოკერიამ 4 ოქტომბერს თბილისში. ის შემთხვევის ადგილას მივიდა.
4 ოქტომბერს, დაახლოებით 21.40 საათზე თბილისში, კოლმეურნეობის მოედანზე პარლამენტის წევრ გივი თარგამაძის მანქანა აფეთქდა.
5 ოქტომბერს ენმ-ის აქციაა თბილისში დაგეგმილი.
8 ოქტომბერს საქართველოში საპარლამენტო და აჭარის უმაღლესი საბჭოს არჩევნები გაიმართება.