ლევან დავითაშვილი სოფლის მეურნეობის მინისტრად, ხოლო ილია ელოშვილი ენერგეტიკის მინისტრად დაინიშნენ – ამის შესახებ დღეს პრემიერ-მინისტრმა, გიორგი კვირკაშვილმა სპეციალურ ბრიფინგზე განაცხადა.

ისინი ამ დრომდე ამავე სამინისტროებში მინისტრების მოადგილეების პოსტებს იკავებდნენ. მინისტრის თანამდებობა ვაკანტური მას შემდეგ გახდა, რაც ენერგეტიკის მინისტრი კახა კალაძე პარტია “ქართული ოცნების” სიის მეორე ნომრად დასახელდა. სოფლის მეურნეობის მინისტრი ოთარ დანელია კი მარტვილში მაჟორიტარი დეპუტატობის კანდიდატად იყრის კენჭს.