უკრაინის ყოფილი პრემიერმინისტრი იულია ტიმოშენკო დღეს დილით საავადმყოფოში გადაიყვანეს, ამის შესახებ ინფორმაციას ИТАР-ТАСС ავრცელებს.
მას ბერლინის ერთ–ერთი კლინიკის ექიმი–ნევროპათოლოგი ლუც ჰარმსი უმკურნალებს. თუმცა, იულია ტიმოშენკოს ქალიშვილის განცხადებით, მკურნალობის დაწყება ჯერ ვერ ხერხდება:
“იმის გამო, რომ დედა შიმშილობდა, მკურნალობის დაწყება ვერ ხერხდება. ექიმი ჯერ შეეცდება, ის მდგომარეობიდან გამოიყვანოს, რასაც 10 დღიდან ორი კვირამდე პერიოდი დასჭირდება. მხოლოდ ამის შემდეგ დაიწყება თერაპიული მკურნალობა”, – განაცხადა ექს–პრემიერის ქალიშვილმა.
იულია ტიმოშენკომ შიმშილობა ციხეში 20 აპრილს დაიწყო, რითაც მის მიმართ სასტიკ მოპყრობას აპროტესტებდა.
