ყირგიზეთის დედაქალაქ ბიშკეკში ჩინეთის საელჩოსთან აფეთქება განხორციელდა. ბი-ბი-სის ინფორმაციით, აფეთქდა მანქანა, რომლის მძღოლიც აფეთქების მომენტში ავტომობილის სალონში იმყოფებოდა.
მანქანა საელჩოს დამცავ ჯებირს შეეჯახა, ღობე გაარღვია და ელჩის რეზიდენციის სიახლოვეს აფეთქდა. დაიღუპა მძღოლი და დაშავდა საელჩოს 3 თანამშრომელი.
მომხდართან დაკავშირებით მიმდინარეობს გამოძიება. ყირგიზეთის ოფიციალურმა პირებმა ამფეთქებელს ტერორისტი უწოდეს.
