GDS: სერიალ “ჰეროკრატიის” ჩვენების უფლება “იმედს” ოფიციალურად მივყიდეთ

ტელეკომპანია ჯი-დი-ესში აცხადებენ, რომ “იმედმა” სერიალ “ჰეროკრატიის” ჩვენების უფლება მათგან ოფიციალურად იყიდა. “ჰეროკრატია” ჯი-დი-ესის დაკვეთით ლე ხაინდრაო პროდაქშენის (რეჟისორი გოგა ხაინდრავაა) მიერ გადაღებული სერიალია, რომელიც ავტორის განცხადებით, წინა ხელისუფლების 9-წლიან მმართველობის პერიოდს ეხება.

“დიახ, იმედზეც გავა სერიალი და ჩვენ ოფიციალურად გავყიდეთ ჩვენების უფლება. ჩვენ ვიღებთ სერიალებს, აქამდეც გადაგვიღია სხვა სერიალები- “ქერჩი”, “ტიფლისი”- და არიან სხვა დაინტერესებული ადამიანები, რომლებიც ამას ყიდულობენ ხოლმე. ანალოგიურად მოხდა ამ სერიალის შემთხვევაშიც: ოფიციალურად გავყიდეთ ჩვენების უფლება”, – ნეტგაზეთთან საუბარში აცხადებს ჯი-დი-ესის წარმომადგენელი თათა ძმანაშვილი. იგი არ აკონკრეტებს თანხის ოდენობას, რაც იმედს დაუჯდა სერიალის ჩვენების უფლებისთვის, და ამბობს, რომ ეს კონფიდენციალური ინფორმაციაა.

ზემოხსენებული სერიალი ეთერში სექტემბერში გავა.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რეპორტიორი 2013 წლიდან. აშუქებს პოლიტიკის, ადამიანის უფლებების, ევროკავშირის საკითხებს და სხვა მიმდინარე მოვლენებს. Email: davit.qoqoshvili@gmail.com