საფრანგეთის სამხრეთ ნაწილში, ტყეში გაჩენილი ხანძარი, რომლის ლოკალიზებაც ამ დრომდე ვერ ხერხდება, საფრანგეთის ქალაქ მარსელს უახოვდება.
ინფორმაციას ამის შესახებ BBC ავრცელებს. ბრიტანული მედიის ცნობით, ხანძრის ლოკალიზებას მარსელის ჩრდილოეთ ნაწილში 1500-ზე მეტი მეხანძრე ცდილობს.
ფრანგული ოფიციალური წყაროები ხანძრის შედეგებზე უკვე საუბრობენ. ხანძარმა მარსელის ჩრდილოეთით მდებარე ორი ქალაქი გაანადგურა, საიდანაც ხელისუფლებამ ათასობით მაცხოვრებლის ევაკუაცია მოახდინა. გაუქმებულია ფრენები მარსელის აეროპორტშიც – მგზავრების მიღების ნაცვლად აეროპორტი სახანძრო თვითმფრინავებისთვის საფრენი ბილიკს ათავისუფლებს.
გავრცელებული ინფორმაციით, ხანძრის შედეგად ორი ადამიანი დაშავდა. მათგან ერთ-ერთმა სერიოზული დაზიანებები მიიღო.
“ყველაფერი დაიწვა, სახლი, მანქანა, აღარაფერი დარჩა” – უთხრა BBC-ს ერთ-ერთმა დაზარალებულმა.
ხანძარია პორტუგალიაშიც, მეხანძრეები ხანძრის ლოკალიზებას უკვე მეორე დღეა უშედეგოდ ცდილობენ. ცეცხლის ჩაქრობას ხელს მაღალი ტემპერატურა უშლის. ხანძარმა პორტუგალიაში უკვე 4 ადამიანის სიცოცხლე შეიწირა, 112 000 ადამიანი კი უსახლკაროდ დარჩა.