9 აგვისტოს ღამით თბილისში, ნაძალადევის რაიონში “ეროვნული ფორუმის” ოფისი გაძარცვეს.
“ოფისი მთლიანად არის არეული, კომპიუტერები მოხსნილია. ვერ გეტყვით, რა ინფორმაცია არის წაღებული კომპიუტერებიდან. მასალაც, ყველაფერი ძირს არის მიმობნეული,” – ამბობს ჟურნალისტებთან საუბრისას თამარ ციხისელი, “ეროვნული ფორუმის” მაჟორიტარობის კანდიდატი ნაძალადევში.
შინაგან საქმეთა სამინისტროში “ნეტგაზეთს” განუცხადეს, რომ გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.
