მიუნხენის პოლიციის მონაცემებით, სულ ცოტა ცხრა ადამიანი დაიღუპა 22 ივლისს სავაჭრო ცენტრში თავდასხმის შედეგად. პოლიციამ თავდასხმა უკვე შეაფასა, როგორც “ტერორი”.
ამის შესახებ ინფორმაციას ბიბისი ავრცელებს.
გერმანიის პოლიცია სულ ცოტა სამ თავდასხმელის დასაკავებლად ძებნის მასშტაბურ ოპერაციას ატარებს.
თავდამსხმელებმა, რომლებიც, თვითმხილველების თქმით, სამნი იყვნენ, მიუნხენის სავაჭრო ცენტრში ადგილობრივი დროით დაახლოებით 18.00 საათზე სროლა დაიწყეს.
გერმანული მედიის ცნობით, სროლები იყო როგორც უშუალოდ სავაჭრო ცენტრში, ასევე შენობის წინ. ჯერჯერობით არ ვრცელდება ცნობები დაშავებულთა რაოდენობის შესახებ.
მიუნხენში სანაგებო ვითარებაა გამოცხადებული – შეჩერებულია საზოგადოებრივი ტრანსპორტის მოძრაობა, პოლიცია მოსახლეობას სახლში დარჩენისკენ მოუწოდებს.
თავდასხმის გამო გერმანიის შინაგან საქმეთა მინისტრმა შეწყვიტა შვებულება.
ბიბისის ცნობით, ჩეხეთმა გაამკაცრა უსაფრთხოების ზომები გერმანიის საზღვართან.