ხუთშაბათს, დილით ადრე პოლიციამ დაშალა მოქალაქეების საპროტესტო აქცია ერევნის საპატრულო პოლიციის შენობასთან, სადაც უკვე რამდენიმე დღეა ოპოზიციურ რადიკალურ ჯგუფს მძევლად ჰყავს აყვანილი ადამიანები, მათ შორის პოლიციის მაღალჩინოსნები.
სომხეთის ჯანდაცვის სამინისტროს პრესსამსახურის ცნობით, პოლიციასა და დემონსტრანტებს შორის შეტაკების შედეგად დაშავდა დაახლოებით 45 ადამიანი, მათ შორის 25 პოლიციელი. 18 ადამიანი სასწრაფომ მიიყვანა საავადმყოფოებში, ხოლო დანარჩენები თავად მივიდნენ.
რადიო თავისუფლების სომხეთის ბიუროს ცნობით, ორი ადამიანია დაჭრილი და ისინი რეანიმაციაში იმყოფებიან.
პოლიციამ აქციის რამდენიმე მონაწილე დააკავა.
ერევანი, 20 ივლისი, დაპირისპირება პოლიციის შენობასთან; ფოტო: მარუტ ვანიანი/ნეტგაზეთი
