სოხუმის ახალი ლოგო yeSUKHUM და ქალაქის დღე [ფოტო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

სოხუმში ქალაქის დღე პირველად აღნიშნეს. ქალაქის ადმინისტრაციის გადაწყვეტილებით, 2016 წლიდან ეს დღე ყოველ წელს, ივლისის პირველ შაბათს უნდა აღნიშნონ.

ამ წელს სოხუმს 2500 შეუსრულდა, თუმცა ესეც პირობითია. მკვლევრების განმარტებით, სწორედ 2500 წლის წინ იყო სოხუმი ბერძნულ წყაროებში ნახსენები.

სოხუმის დღის აღნიშვნაზე საუბარი ჯერ კიდევ 80-იან წლებში დაიწყო, თუმცა ჩანაფიქრის განხორციელება მხოლოდ 2016 წელს შეძლეს.

წელს ეს დღე ფართოდ არ აღნიშნულა. მაგალითად, დროშის დღე, რომელიც რამდენიმე წელია არსებობს, უფრო მასობრივი და მრავალფროვნია ხოლმე.

სოხუმის დღისადმი მომზადებული გასართობი პროგრამა მრავალფეროვნებით არ გამოირჩეობდა. საბავშვო საესტრადო ანსამბლის, “კადანსის” კონცერტი სანაპიროზე, გამოფენა ბრეხალოვკაზე კოლონადასთან, ბაგრატ შინკუბას პარკში გამოფენა-გაყიდვა, რამდენიმე სპორტული ღონისძიება და თეატრალიზებული წამოდგენა დინამოს სტდიონზე – ეს იყო ყველა ის ღონისძიება, რამაც მაინც გაახარა დამსვენებლები, რომლებიც ადგილობრივებზე ორჯერ მეტი იყვნენ. ეს გასაგებიცაა, დასვენების დღეებში სოხუმელები ტრადიციულად ქალაქგარეთ ან ქორწილებში არიან.