გთავაზობთ 30 ივნისს დაგეგმილი ღონისძიებების ანონსს:
09.00 – მთავრობის ადმინისტრაციაში მთავრობის მორიგი სხდომა გაიმართება.
11:00 – “პირველის პრესკლუბში” საპარლამენტო უმრავლესობის წევრი ომარ ნიშნიანიძე მიმდინარე პოლიტიკურ საკითხებზე ბრიფინგს გამართავს. მისამართი: წერეთლის 116, ბიზნეს ცენტრი “დიდუბე პლაზა”, მეორე სართული.
12:00 – საქართველოს ახალგაზრდა იურისტთა ასოციაცია, „პანორამა თბილისის“ პროექტთან დაკავშირებით საქართველოს ეკონომიკისა და მდგრადი განვითარების სამინისტროში ადმინისტრაციულ საჩივარს წარადგენს.
12:00 – მედიის წარმომადგენლებისათვის საგამოცდო სესიის პროცედურების სრული დემონსტრირება მოეწყობა. მედიის წარმომადგენლებს ამ პროცედურებს მაია მიმინოშვილი გააცნობს. მისამართი: N175 საჯარო სკოლა (მუხიანის III მ/რ).
12:00 – მთავრობის ადმინისტრაციაში გაიმართება უწყებათაშორისი შეხვედრა საქართველოს მთავრობასა
და OECD-ის დელეგაციას შორის;
12:00 – “თავისუფალი დემოკრატების’’ ოფისში ირაკლი ალასანია პარტიის ახალ წევრებს წარადგენს.
12:00 – “პირველის პრესკლუბში” “ტრანსპორტისა და გზების ასოციაციის” თავმჯდომარე დავით მესხიშვილი ბრიფინგს გამართავს. თემა: ავტომობილების ტექნიკური დათვალიერების შემოღება, პირველი ადგილი სიკვდილიანობის მაჩვენებლით მსოფლიოში ჰაერის დაბინძურების გამო; პირველი ადგილი სიკვდილიანობის მაჩვენებლით ევროპაში ავტოსაგზაო შემთხვევებში გარდაცვლილთა რაოდენობის გამო; საქართველო ტრანსპორტის პოლიტიკის გარეშე.
12:00 – საზოგადოებრივი მაუწყებლის პრესცენტრში პრესკონფერენციას გამართავს ლელა გულედანი, დევნილთა პარტიის თავმჯდომარე.
12:30 – ორგანიზაცია „ახალგაზრდა ადვოკატების“ იურისტი, მარიამ ფირცხალაიშვილი, „რეპორტიორის“ პრეს–კლუბში ბრიფინგს გამართავს, თემაზე: რა უშლის ხელს ავტომობილების სავალდებულო ტექნიკური დათვალიერების შემოღებას 2016 წლიდან, რა გეგმა აქვს პოლიტიკურ პარტიებს გარემოს უსაფრთხოებაზე, რა პრევენციებს ითვალისწინებს სახელმწიფო? მისამართი: ქ. თბილისი, იოსებიძის ქუჩა #57, I სართული.
14:00 – კულტურისა და ძეგლთა დაცვის მინისტრი მიხეილ გიორგაძე, ეროვნულიკინოცენტრის დირექტორი ზურა მაღალაშვილი და ეროვნული არქივის დირექტორი თეონა იაშვილი დოკუმენტური ფილმების კინოსტუდია „მემატიანეს“, კინოსტუდია „ქართული ფილმის“ და საზოგადოებრივი მაუწყებლის საცავებს ესტუმრებიან.
14:30 – საზოგადოებრივი მაუწყებლის პრესცენტრში პრესკონფერენციას გამართავს როინ დიასამიძე, მერაბ კოსტავას საზოგადოების აჭარის რაიონთაშორისი კომიტეტის თავმჯდომარე
20:00 – ახალციხელობის დღესასწაულზე, „Check in Georgia”–ს ფარგლებში რაბათის ციხის ტერიტორიაზე გაიმართება ანსამბლ „შვიდკაცას“, სოფო და ბორის ბედიების, თემურ ყვითელაშვილისა და ანსამბლ „სუხიშვილების“ კონცერტი.