“ვცდილობთ გავარკვიოთ, რა შენდება და ვის მიერ. თუმცა, თუ ხდება ხეების მოჭრა რომელიმე კომპანიის მიერ, ორმაგი და სამმაგი ოდენობით მათი დარგვა სადმე სხვაგან მოუწევს თავად იმ კომპანიას, რომელიც აწარმოებს სამუშაოებს,”-განუცხადეს ნეტგაზეთს თბილისის მერიაში.

მერიის პრესსამსახურის განმარტებით, კომპანია, რომელიც ხეებს გაჩეხავს, იმ ადგილას დარგავს სხვა ხეებს, სადაც თბილისის მერია მიუთითებს.

მოსკოვის გამზირზე 4 თებერვალს, ღამის 10 საათზე, დაახლოებით 70 ფიჭვის ხე გაიჩეხა. ხეების გაჩეხვის შესახებ ინფორმაცია მოსკოვის პროსპექტის მოსახლებამ იმავე დღეს არასამთავრობო ორგანიზაცია “უსაფრთხო სივრცეს” მიაწოდა.

“გუშინ, ღამის 10-ზე, მოსკოვის პროსპექტზე მცხოვრები ადამიანები დაგვიკავშირდნენ, ხეებს ჭრიანო და მაშინვე წავედით,”-ამბობს ანა გაბრიაძე.