ძია ვანო – ასე დაარქვეს ქუთაისის იაკობ გოგებაშვილის სახელობის თოჯინების სახელმწიფო თეატრში მეტყევეს, რომელიც წითელქუდასა და მის ბებიას მგლისგან იხსნის.

სპექტაკლში “წითელქუდა”, რომელიც ქუთაისის თოჯინების თეატრში დაიდგა, მთავარი მოქმედი გმირი სწორედ ძია ვანოა, რომელიც ტყეს იცავს ბოროტმოქმედებისგან, უგებს მათ ხაფანგებს, იცავს კეთილ და სუსტ ცხოველებს, ცხადია, ამარცხებს მგელს და გმირულად ათავისუფლებს წითელქუდას.