რეგიონიებს პოლიციის ხელმძღვანელებმა შესაბამისი ანგარიში 15 დეკემბრისთვის უნდა მოამზადონ, რომელშიც ყველა ის საჩივარი და დარღვევა აისახება, რაც საპარლამენტო არჩევნების დროს დაფიქსირდა.
ოპოზიცია აცხადებს, რომ საპარლამენტო არჩევნები გაყალბდა და ამის გასაპროტესტებლად მთელი კვირის მანძილზე აქციებს მართვას. რუსეთის მთავრობამ ოპოზიციას მასობრივი საპროტესტო აქციის ჩატარების უფლება მისცა, რომელიც ხვალ ბოლოტნოის მოედანზეა დაგეგმილი.
ნურგალიევმა, ასევე, აღნიშნა, რომ ყველა არასანქცირებული მიტინგი აღკვეთილი იქნება.
ხვალ, 10 დეკემბერს მოსკოვში მასობრივი დემონსტრაცია გაიმართება. სოციალური ქსელების ინფორმაციით, უკვე 34 ათასი ადამიანი აპირებს ამ აქციაში მონაწილეობას. ისინი მოსკოვის ბოლოტნოის მოედანზე შეიკრიბებიან და მოითხოვენ ხელახალი არჩევნების დანიშვნას.
პარალელურად ვრცელდება ინფორმაცია, რომ ორშაბათს, პრეზიდენტ დმიტრი მედვედევისა და პრემიერ–მინისტრ ვლადიმერ პუტინის მხარდამჭერთა აქციაც გაიმართება.
