საქართველოს დამოუკიდებლობის დღე, 26 მაისი, თბილისში, რუსთაველის გამზირზე აღნიშნეს. “ნეტგაზეთი” გთავაზობთ ფოტო-ვიდეორეპორტაჟს დღევანდელი დამოუკიდებლობის დღიდან.
დამოუკიდებლობის დღეს საზეიმო ღონისძიებები ახალწვეულთა ფიცის დადების ცერემონიით დაიწყო.
ფიცის დადების ცერემონიას პრეზიდენტი, მთავრობის წევრები და დიპლომატიური კორპუსი დაესწრნენ. 432-მა კურსდამთავრებულმა საზეიმო ფიცი წელს პირველად თბილისის გარდა, საქართველოს ხუთ რეგიონში – კახეთში, სამეგრელოში, სამცხე-ჯავახეთში, იმერეთსა და აჭარაში ერთდროულად დადო. 26.05.16 ფოტო: ნეტგაზეთი/გუკი გიუნაშვილი
ნოე ჟორდანიას, ნოე რამიშვილის, კონსტანტინე აფხაზისა და საქართველოს პირველი რესპუბლიკის დამფუძნებელი კრების სხვა წევრების ფოტოები მოსწავლე ახალგაზრდობის სახლზე გამოფინეს. დამფუძნებელი კრება საბჭოთა რუსეთის მიერ საქართველოს დაპყრობამდე, 1919-21 წლებში ფუნქციონირებდა. 26.05.2016 ფოტო: ნეტგაზეთი/ლუკა პერტაია
26 მაისს რუსთაველის გამზირზე სხვადასხვა ასაკის ადამიანები შეიკრიბნენ დამოუკიდებლობის დღის აღსანიშნავად. 26.05.2016 ფოტო: ნეტგაზეთი/ლუკა პერტაია
რუსთაველის გამზირზე დამოუკიდებლობის დღეს მსახიობები სხვადასხვა წარმოდგენას სთავაზობდნენ გამვლელებს. ფოტოზე მანეკენი “ჰაერშია გამოკიდებული”. 26.05.2016 ფოტო: ნეტგაზეთი/ლუკა პერტაია