”საიდუმლოს არ წარმოადგენს ის ფაქტი, რომ მაღაზიებსა და ბაზარში საყოფაცხოვრებო ნივთები და საკვები პროდუქტი საქართველოდან არალეგალური გზით შემოდის, აფხაზეთს არ აქვს შემოსავალი ამ ვაჭრობის შედეგად,”- განაცხადა ანქვაბმა სოხუმში გამართულ პრესკონფერენციაზე.
მისივე თქმით, ტვირთთან დაკავშირებით არ არსებობს სახელმწიფო სტრუქტურების არც ერთი დოკუმენტი და ამ ვაჭრობით მხოლოდ ცალკეული მოქალაქეები სარგებლობენ.
ანქვაბმა ხაზგასმით განაცხადა, რომ აფხაზეთი-საქართველოს საზღვარზე მხარს უჭერს საბაჟო მომსახურების აღდგენას, რის შემდეგაც შესაბამისი ორგანიზაციები აფხაზეთში შესულ ტვირთს ოფიციალურად აღწერენ.
ანქვაბმა განაცხადა, რომ უახლოეს მომავალში საქართველო-აფხაზეთის საზღვარზე საბაჟო პუნქტები გაიხსნება.