საქართველოს ბანკი და Express ბანკი აღდგომის ბრწყინვალე დღესასწაულთან დაკავშირებით სერვისცენტრების მუშაობის განრიგის შესახებ ავრცელებენ ინფორმაციას.

29 აპრილი, 1 და 2 მაისი, საქართველოს ბანკის და Express ბანკის გარკვეული სერვისცენტრებისთვის დასვენების დღეები იქნება. შაბათს, 30 აპრილს, ბანკის ყველა სერვისცენტრი იმუშავებს ჩვეულ რეჟიმში, დილის 10:00 საათიდან, დღის 14:00 საათამდე, ხოლო Express ბანკის სერვისცენტრები დილის 10:00 საათიდან, საღამოს 18:00 საათამდე.

მომხმარებელს მოქმედი სერვისცენტრების შესახებ დეტალური ინფორმაციისთვის, შეუძლია მიმართოს, საქართველოს ბანკის და Express ბანკის სატელეფონო მომსახურების ცენტრს ნომრებზე: 2444444; 2555555. სატელეფონო მომსახურების ცენტრი ხელმისაწვდომი იქნება 24 საათის განმავლობაში კვირაში შვიდი დღე.

3 მაისიდან საქართველოს ბანკის ყველა სერვისცენტრი, ჩვეულ რეჟიმში განაგრძობს მუშაობას.