ყოველი წლის 24 აპრილს მსოფლიოს სხვადასხვა ქვეყანაში მცხოვრები ეთნიკური სომხები ოსმანურ იმპერიაში 1915-23 წლებში მომხდარ სომეხთა გენოციდის მსხვერპლთა დღეს აღნიშნავენ.
წელს ეს დღე ერევანში განსაკუთრებით მასშტაბურად აღინიშნა. მსვლელობაში მონაწილეობა 5 ათასზე მეტმა მოქალაქემ მიიღო. მონაწილეებს სომხეთის დროშებთან ერთად მთიანი ყარაბაღის დროშებიც ეჭირათ. აქტივისტები დროდადრო სკანდირებდნენ – “აღიარება!”
მსვლელობა ორგანიზებული იყო პარტია “დაშნაკცუტიუნის” ახალგაზრდული ფრთის მიერ.