“ხელფასების დონე არავითარ შემთხვევაში არ უნდა შევამციროთ. არ მინდა, ტყუილი დაპირება გავცე. პირიქით, შესაძლოა ზოგიერთ მიმართულებაში უფრო მეტი პროფესიონალები დაგვჭირდნენ. მაგალითად, ეს არის საინფორმაციო ტექნოლოგიების და სხვადასხვა მიმართულებები, სადაც ჩვენ მნიშვნელოვნად ჩამოვრჩებით ხელფასების დონით კერძო სექტორში იმავე მიმართულებებში ხელფასების დონეს. ამიტომ, მე ვფიქრობ, რომ ჩვენ ვინაიდან ამ ბაზარზე ვიმყოფებით, უნდა გადავუხადოთ ადეკვატური ხელფასი ადამიანებს, მაგრამ არ უნდა დავიქირაოთ იმდენი ადამიანი, რამდენიც დღეს გვყავს; არ უნდა ვიყიდოთ ისეთი კლასის მანქანები, რომლებსაც ჩვენ დღეს ვყიდულობთ,” – განაცხადა გიორგი კვირიკაშვილმა.