საქართველოს ფინანსთა სამინისტროს საგამოძიებო სამსახურის ცნობით, ორი პირი, კახა ღ. და მაკა შ. კონიაკის ფალსიფიკაციის ბრალდებით სისხლის სამართლის პასუხისგებაში მისცეს.
“გამოძიების მიერ დადგინდა, რომ ბრალდებულები საკუთარ საცხოვრებელ სახლში, ყოველგვარი ტექნოლოგიური პროცესების დაცვის გარეშე, ახდენდნენ ქართული კონიაკების, „სარაჯიშვილისა“ და „თბილისურის“ ფალსიფიკაციას, ბოთლებზე აკრავდნენ მეორად აქციზურ მარკებს და ასაღებდნენ ქვეყნის მასშტაბით სხვადასხვა სავაჭრო ობიექტებში. ექსპერტიზის დაკსვნის მიხედვით, ალკოჰოლურ სასმელს შეცვლილი აქვს თვისობრიობა და არის ფალსიფიცირებული,”- აცხადებს საგამოძიებო სამსახური.
უწყების ინფორმაციით, გამოძიება მიმდინარეობს სისხლის სამართლის კოდექსის 197-ე და მე- 200 2 პრიმა მუხლით, რაც გულისმობს ფალსიფიკაციას და აქციზური მარკების მეორადი გამოყენების მიზნით გასაღება, შეძენა და გამოყენება ან/და მათი სხვა პირისათვის გადაცემას.
