საპარლამენტო უმცირესობის ლიდერი დავით ბაქრაძე კახეთში, სოფელ ენისელში მოსახლეობას შეხვდა. ბაქრაძის განცხადებით, “პირველი, რასაც ენმ არჩევნებში გამარჯვების შემთხვევაში გააკეთებს, პენსიის 50-ლარიანი ზრდა და სოციალური დახმარების აღდგენაა იმ ოჯახებისთვის, ვისაც ეს უმიზეზოდ შეუწყდა.

“სოფლებში ძალიან მძიმე ვითარებაა. ადამიანებს პრაქტიკულად დაკარგული აქვთ ხვალინდელი დღის იმედი. არის განცდა, რომ ქვეყანა არ ვითარდება და პატრონი არ ჰყავს. განსაკუთრებით მძიმე დღეშია ასაკოვანი და სოციალურად დაუცველი მოსახლეობა. ეს ყველაფერი ერთად უნდა შევცვალოთ საპარლამენტო არჩევნებზე. მე ვპირდები ჩვენს მოსახლეობას, ჩვენს პენსიონერებს და სოციალურად დაუცველებს, პირველი, რასაც ოქტომბრის არჩევნებში გამარჯვების შემდეგ გავაკეთებთ, იქნება პენსიის 50-ლარიანი ზრდა და სოციალური დახმარების აღდგენა ყველა იმ ოჯახისთვის, ვისაც ბოლო წლებში უმიზეზოდ მოუხსნეს”, – თქვა ბაქრაძემ.