25 მარტს ბრიტანულმა ბენდმა The Rolling Stones, რომელიც ფიდელ კასტროს პრეზიდენტობის დროს კუბაში აკრძალული იყო, ჰავანაში პირველად გამართა უფასო კონცერტი, რომელსაც სხვადასხვა მონაცემებით ნახევარ მილიონამდე ადამიანი დაესწრო.
ამერიკის შეერთებული შტატების პრეზიდენტ ბარაკ ობამას ისტორიული ვიზიტის შემდეგ კუბის დედაქალაქი ჰავანა კიდევ ერთხელ მოექცა ყურადღების ცენტრში.
Reuters-ის ცნობით, ჯგუფმა ღია ცის ქვეშ მოწყობილი კონცერტი 1968 წელს ჩაწერილი სიმღერით Jumpin’ Jack Flash-ით დაიწყო, რომელსაც ბენდის კუბელი მსმენელები ჩუმად უსმენდნენ იმის შიშით, რომ რურალურ ბრიგადებში “იდეოლოგიური დევიაციისგან” განსაკურნავად არ გაემწესებინათ.
Proxima parada: La Habana! Nos vemos el viernes próximo, Cuba!https://t.co/7elqgWm0Us#StonesCuba pic.twitter.com/9OjYTXW4XT
— The Rolling Stones (@RollingStones) March 18, 2016
“წლების წინ, ვიცით, წარმოუდგენელი იყო ჩვენი მუსიკის კუბაში მოსმენა, მაგრამ ახლა აქ ვართ. ვფიქრობ, რომ დრო იცვლება”, – ესპანურად მიმართა მიკ ჯაგერმა მის წინ შეკრებულ მსენელებს.
ორსაათანი კონცერტის განმავლობაში, რომელმაც ბენდის 18 სიმღერა გააერთიანა, მიკ ჯაგერი მსნელებს ესპანურად მიმართავდა. მსმენელებმა ჰავანის საფეხბურთო და ბეისბოლის მოედნებზე შეკრება კუბის დროით 18 საათიდან დაიწყეს.
Reuters-ის ცნობით, უცნობია ზუსტი რაოდენობა მსმენელებისა, თუმცა კუბის მედია აცხადებდა, რომ მოედანზე, რომელიც თითქმის სავსე იყო, ნახევარ მილიონამდე ადამიანი ეტევა.