მეცნიერების აზრით, შესაძლოა მზის სისტემაში 8 პლანეტის (პლუტონის გარდა) პარალელურად, კიდევ ერთი, პლანეტა X არსებობდეს. ინფორმაციას ამის შესახებ National Geographic ავრცელებს.
მათი ინფორმაციით, პლანეტა, რომელიც დედამიწაზე დიდია, შესაძლოა მზის სისტემის ცივ, ბნელ შრეებში იმალებოდეს.
როგორც ასტრონომიულ ჟურნალშია აღწერილი, დიდი, დამალული პლანეტის გრავიტაციული “ხელწერა” ამ ფართო სამყაროების თავისებურ ორბიტებზეა აღბეჭდილი. კოიპერის სარტყელად წოდებული სხეულები მეცნიერებს დიდი ხნის განმავლობაში საგონებელში აგდებდა.
მეცნიერების თქმით, არსებობს საფუძვლიანი ეჭვი, რომ მზის სისტემაში შეიძლება მე-9 პლანეტა არსებობდეს, მიუხედავად იმისა, რომ ჯერ არ აღმოუჩენიათ.
“თუკი მზის სისტემაში იქნება კიდევ ერთი პლანეტა, მაშინ ეს ის არის. ძალიან ექსტრაორდინარული იქნება, თუკი ასე აღმოჩნდება. თითების ვაჯვარედინებ – ეს საოცრება იქნებოდა,” – ამბობს კალიფორნიის უნივერსიტეტის წარმომადგენელი, გრეგ ლოფლინი.
მეცნიერებმა გამოიანგარიშეს, რომ პლანეტა, თუკი ის არსებობს, იქნება 10-ჯერ უფრო მასიური, ვიდრე დედამიწა, ან უხეშად რომ ვთქვათ, სამჯერ უფრო დიდი. ეს მას ხდის სუპერდედამიწად, ან მინინეპტუნად. მათი თქმით, პლანეტა მართლაც ძალიან შორსაა. აღწერილობამ აჩვენა, რომ პლანეტის ყველაზე ახლო მდებარეობა მზესთან იქნება 200-300-ჯერ უფრო შორი, ვიდრე დედამიწის.
“ეს რაღაც განსაკუთრებულად გაყინულ, ხანგრძლივ პერიოდიან ორბიტაზეა და, სავარაუდოდ, მზის გარშემო სრული შემოვლისთვის 20, 000 წელი სჭირდება,” – ამბობს კონსტანტინ ბატიგინი.
NG-ის ინფორმაციით, თუკი მეცხრე პლანეტა არსებობს, ის იმდენად შორსაა და იმდენად ბუნდოვანია, რომ არ არის გასაკვირი, აქამდე რომ ვერ აღმოაჩინეს. გრეგ ლოფლენმა გამოიანგარიშა, რომ პლუტონი შიძლება 10 000-ჯერ უფრო კაშკაშა იყოს, ვიდრე ახალი პლანეტა.
“ჩვენ ზუსტად არ ვიცით, სად არის ეს პლანეტა. ასე რომ არ იყოს, უბრალოდ, მივუშვერდით ტელესკოპს ხვალვე და იქ დაგვხვდებოდა, მაგრამ ცა არის მართლა ძალიან დიდი,”- ამბობს ჰავაის ობსერვატორიის მეცნიერი, ჩად ტრუილო.
