ოთხი დღის წინ გატაცებული 17 წლის არასრულწლოვანი იპოვეს

შსს-ში ნეტგაზეთს განუცხადეს, რომ ოთხი დღის წინ გატაცებული 17 წლის არასრულწლოვანი ნაპოვნია. დამატებით დეტალებს უწყებაში ჯერ არ ახმაურებენ.

გატაცებულის ახლობლების ინფორმაციით, არასრულწლოვანი გამტაცებლებმა თბილისში, ფონიჭალაში მდებარე ერთ-ერთ სუპერმარკეტში დატოვეს. ამის შემდეგ მან მშობლებს ტაქსის მძღოლის ტელეფონით დაურეკა. ამ ინფორმაციის მიღების შემდეგ კი სუპერმარკეტთან პოლიციელები მივიდნენ. არასრულწლოვანი პოლიციის განყოფილებაში იმყოფება.

მომხდარს შსს სსსკ-ის 43-ე მუხლის პირველი ნაწილით იძიებს, რაც თავისუფლების უკანონოდ აღკვეთას გულისხმობს.

არასრულწლოვანი ოთხი დღე იყო გატაცებული, მისი ოჯახის წევრები კი ფონიჭალის პოლიციის განყოფილების შენობასთან საქმის გამოძიების მოთხოვნით აქციებს მართავდნენ.

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com