ვიქტორ ივანოვმა, რომელსაც 7-დღიანი ადმინისტრაციული პატიმრობა ჰქონდა მისჯილი, თბილისში, დიღომში, წინასწარი დაკავების იზოლატორში თვითმკვლელობა საკუთარი ტანსაცმლით სცადა. ინფორმაცია ”ნეტგაზეთს” შსს-ს ადმინისტრაციის უფროსმა შოთა ხიზანიშვილმა მიაწოდა.
ხიზანიშვილის თქმით, იზოლატორში ყოფნისას ივანოვმა საკუთარი ტანსაცმლისგან თოკი გააკეთა და თავის ჩამოხრჩობა ასე სცადა, თუმცა ის დროულად იპოვეს და სამედიცინო დაწესებულებაშიც გადაიყვანეს. შემთხვევა 3 მარტს მოხდა.
შსს-ს ინფორმაციით, ივანოვის სიცოცხლეს ამჟამად საფრთხე არ ემუქრება. მას თბილისის საქალაქო სასამართლოს მიერ ადმინისტრაციული პატიმრობა ადმინისტრაციულ სამართალდარღვევათა კოდექსის 173-ე მუხლის მიხედვით ჰქონდა მისჯილი.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")