წელს ფესტივალის ჟიურის წევრები იქნებიან: ბოგდან ძივორსკი – პოლონეთი, ინეკე სმიტსი – ნიდერლანდები, დოვერ ქოსაშვილი – ისრაელი, ანდრეა ვინკი – გერმანია და მარინა კერესელიძე – საქართველო.

როგორც ფესტივალის ოფიციალური ინტერნეტ გვერდი იტყობინება, ფესტივალს ესტუმრება ჟენევის ხელოვნებისა და დიზაინის აკადემიის კინოფაკუტეტის ხელმძღვანელი ჟან პერრე. იგი გამართავს ჟან ჟაკ რუსოსადმი მიძღვნილ საერთაშორისო პროექტის პრეზენტაციას, რომელშიც მონაწილეობის შესაძლებლობა ეძლევათ თეატრისა და კინოს უნივერსიტეტის სტუდენტებს.

ფესტივალზე იქნებიან წარმომადგენლები სომხეთიდან ნუნე მანუკიანი („როლან ბიკოვ ფაუნდეიშენი“) და აზერბაიჯანიდან ფეჰრუზ შამიევი (ახალგაზრდა კინემატოგრაფისტების ცენტრი „სინემა“).

საერთაშორისო სტუდენტური ფესტივალის გახსნის საღამოზე ნაჩვენები იქნება დათო თაყაიშვილის სტუდენტური ანიმაციური ფილმი „ჭირი“, რომელიც კანის ფესტივალის 1983 წლის პრიზიორია. ასევე, გაიმართება კინომუსიკის საღამო, რომელსაც დათო ევგენიძე უხელმძღვანელებს.