მუნიციპალური განვითარების ფონდი, მსოფლიო ბანკისა და საქართველოს მთავრობის ფინანსური მხარდაჭერით, დავით–გარეჯის სამონასტრო კომპლექსის რეაბილიტაციასა და ტერიტორიაზე ტურისტული ინფრასტრუქტურის მოწყობის სამუშაოებს აწარმოებს.
ფონდის ინფორმაციით, პროექტის მიზანია, წვლილი შეიტანოს კულტურული მემკვიდრეობის ძეგლების შენარჩუნებაში და ხელი შეუწყოს საქართველოში ტურისტული ინფრასტრუქტურის განვითარებას.
პროექტი ითვალისწინებს სამონასტრო კომპლექსში მდებარე კელიების ფასადების მოპირკეთებასა და კეთილმოწყობას, წყლის, კანალიზაციისა და ელექტრო– მომარაგების ქსელის მოწყობას, აცხადებს ფონდი.
მონასტრის ტერიტორიაზე გაკეთდება ვიზიტორთა ცენტრი და ავტოსადგომი. გათვალისწინებულია მონასტრის მიმდებარე ტერიტორიის კეთილმოწყობა.
ოფიციალური ინფორმაციით, სამუშაოების ღირებულებაა 1 მილიონი ლარი, პროექტის ფარგლებში 30-ამდე ადამიანია დასაქმებული.