ფოთის საერთაშორისო აეროპორტის ტერიტორიაზე ეკონომიკისა და მდგრადი განვითარების მინისტრმა ვერა ქობალიამ ახალი სარადარო სისტემის მონტაჟის სამუშაოები დაათვალიერა.
ეკონომიკის სამინისტროს ინფორმაციით, სარადარო-სანავიგაციო სისტემა უკვე ჩართულია, რომლის საშუალებით ნებისმიერ ამინდში 400 კილომეტრის რადიუსში მფრინავი ობიექტის დაფიქსირება მოხდება. ობიექტზე ძირითადი ტექნიკური სამუშაოები უკვე დასრულებულია და ამ ეტაპზე სპეციალური შენობების მშენებლობა მიმდინარეობს, სადაც კავშირგაბმულობისა და ნავიგაციის სამსახურები განთავსდება. მშენებლობის დასრულება დეკემბერში იგეგმება.
