ფინანსთა მინისტრობის კანდიდატი დიმიტრი ქუმსიშვილი აცხადებს, რომ საერთაშორისო სავალუტო ფონდის მიერ საქართველოს ეკონომიკის ზრდის პროგნოზის შემცირების მიუხედავად, საქართველო ამ თვალსაზრისით რეგიონში მაინც ლიდერად რჩება.
წელს სავალუტო ფონდი საქართველოში ეკონომიკის 3.4%-იან, ხოლო 2017-ში – 5.2%-იან ზრდას ელოდა. დღეს გამოქვეყნებული დაკორექტირებული მონაცემებით კი, 2017 წელს სავალუტო ფონდის პროგნოზით საქართველოს ეკონომიკა მხოლოდ 4%-იან ზრდას განავითარებს.
“სავალუტო ფონდის მიერ გადაანგარშებულ ზრდასთან დაკავშირებით წელს ჩვენ გვაქვს 4%-იანი ზრდა, იმის შემდეგ 5%-იანი ზრდა, ამ მიმართულებითაც ჩვენ კვლავ ლიდერები ვრჩებით და ეს ფაქტია. რეგიონში ზრდის მიხედვით ჩვენ ლიდერები დავრჩებით, ერთ-ერთი საუკეთესო მონაცემი გვექნება. დღეს სავალუტო ფონდს პროგნოზი რომ არ შეემცირებინა, ფაქტი სახეზე გვაქვს და მომდევნო 3 თვის განმავლობაში რასაც გავაკეთებთ, კარგი იქნება”, – განაცხადა ქუმსიშვილმა.