3 სექტემბერს საქართველოს ნაკრებმა ფრედ, 1:1 ითამაშა ათენში, ევროპის ჩემპიონატის შესარჩევი ტურნირის პირველ მატჩში, საბერძნეთის ეროვნულ გუნდთან. ალექსანდრე იაშვილმა მე–3 წუთზე გახსნა ანგარიში, 73–ზე ნიკოს სპიროპულომ გაათანაბრა.
დღეს აბიტურიენტების ნაწილმა გრანტის შედეგების შესახებ შეიტყო, რომელიც, ეროვნული ცენტრის ცნობით, სიმართლეს არ შეესაბამება. აბიტურიენტთა ნაწილის პირად მონაცემთა ბაზაში 100%-იანი გრანტი დაფიქსირდა. ცენტრის ინფორმაციით, სახელმწიფო დაფინანსების შედეგები ჯერ ცნობილი არ არის.
ორშაბათს საქართველოს სახალხო დამცველი იძულებით გადაადგილებულ პირებზე მომზადებულ 80- გვერდიან ანგარიშს პარლამენტს გაუგზავნის. გიორგი ტუღუშის თქმით, გამოკითხულ დევნილთა 60% ამჟამინდელი საცხოვლებელი პირობებით უკმაყოფილოა. ანგარიშის მიხედვით, საცხოვრებლად განსაკუთრებით გაუსაძლისი პირობებია ნუცუბიძის პლატოზე, ე.წ. ,,ავტოსადგომის“ ტერიტორიაზე არსებულ ჩასახლებაში, იმერეთის ტურბაზა ,, რიონის’’ ჩასახლებასა და ქუთაისის კოტეჯებში.
მართლმადიდებელი მრევლის აქცია ბათუმის ახალ ბულვარში მდებარე „ბამბა რუმთან” დასრულდა. მრევლი სამღვდელოებასთან ერთად, რომელიც მეორე დღეა ბათუმში ჰომოსექსუალებს ეძებს, დაიშალა. „ბამბა რუმის”-ის დირექტორს კი იმის გაგება უნდა, რატომ შეარჩიეს აქციის მონაწილეებმა მაინცდამაინც ეს კლუბი და არა სხვა.
ვებ გვერდზე გამოქვეყნებულ ინფორმაციას - "საპატრიარქო ქვეყანაში რელიგიური პატიმრების არსებობას უარყოფს" სხვადასხვა სოციალურ ქსელში გამოხმაურება მოყვა. გამოხმაურების ავტორები გვადანაშაულებენ ცრუ ინფორმაციის გავრცელებაში, რაც არ შეესაბამება სიმართლეს, ამიტომაც საჭიროდ ჩავთვალეთ, განმარტება გაგვეკეთებინა ამ საკითხთან დაკავშირებით.
Mikael botkoveli by netgazeti.ge-1
21 აგვისტოდან ნადირობის მოყვარულებს საშუალება ექნებათ მწყერზე, გარეულ მტრედზე, ჩვეულებრივ გვრიტზე, ჩიბუხაზე, ქედანსა და გვიძინიზე ინადირონ. ნადირობის დღიური ლიმიტები გარემოს დაცვის სამინისტრომ უკვე დაადგინა. წესების დარღვევის შემთხვევაში მონადირეები ჯარიმას გადაიხდიან, თუმცა გარემოს დაცვის ინსპექციაში აცხადებენ, რომ ყველა მონადირის გაკონტროლებას ინსპექცია ვერ შეძლებს.
გამოსახლების შემჭიდროებული ვადები, დევნილების არაინფორმირებულობა და მათივე განცხადებით, გამოსახლების პროცესის შეურაცხმყოფელი ხასიათი - ესაა პრობლემების ნაწილი, რომელიც ომბუდსმენის აპარატის მონიტორინგის შედეგად გამოიკვეთა. დევნილების გამოსახლებასთან დაკავშირებით დღეს გიორგი ტუღუშმა განცხადება გაავრცელა.
ბორჯომის წლევანდელი ხანძრის ზარალის ოდენობა ჯერ დათვლილი არ არის. 2008 წელს კი ბორჯომის ხეობაში ხანძრის შედეგად მიყენებული ზიანის ოდენობამ მილიარდ ლარს გადააჭარბა. უხეში გამოთვლებით, 1998 წლიდან დღემდე საქართველოს ტერიტორიაზე ტყეებში ხანძარი 339-ჯერ გაჩნდა.
“კავკასიის უსაფრთხოების გააზრება” - ასე ეწოდება პროექტს, რომლის განხორციელებაც სტრატეგიული კვლევების საერთაშორისო ინსტიტუტმა (IISS) რუსეთ-საქართველოს ომიდან ორი წლის შემდეგ დაიწყო.პროექტს ევროკავშირი აფინანსებს და მისი მიზანი ვირტუალურ დიალოგში კონფლიქტის ყველა მხარის ჩართვაა - აზრების, ინფორმაციის და იდეების გაცვლისთვის.
„რუსეთში ჯავახეთის დიასპორის“ მოთხოვნები და მიმართვები ინტერნეტის ქსელში რამდენიმე თვეა ჩნდება. უკანასკნელი ასეთი მიმართვა რამდენიმე დღის წინ გავრცელდა. „ჯავახეთის რუსული დიასპორა“ საქართველოს ახალ კონსტიტუციის პროექტს ეხმაურება და მასში ცვლილების შეტანას ითხოვს–„გთხოვთ, ჩაამატოთ შესწორება ასეთი სახით–„სამცხე–ჯავახეთის მხარის ტერიტორიაზე, სახელმწიფო ენასთან ერთად, სომხური ენა რეგიონულ ენას წარმოადგენს“.
ორგანიზაცია „ამნესტი ინტერნეიშენალის“ ევროპისა და ცენტრალური აზიის პროგრამის დირექტორი ნიკოლა დაქვორთი დღეს დევნილთა და განსახლების მინისტრ კობა სუბელიანს შეხვდება. მანამდე კი ორგანიზაციამ საქართველოში დევნილების მდგომარეობაზე ანგარიში გამოაქვეყნა, რომლის პრეზენტაციაც დღეს გაიმართა. დაქვორთი ნეტგაზეთთან ინტერვიუში ამბობს, რომ ერთ-ერთი მთავარი პრობლემა დევნილების თანამონაწილეობაა და მიაჩნია, რომ საქართველოს მთავრობამ უნდა გადახედოს სტრატეგიას
ნეტგაზეთმა ინტერვიუ ჩაწერა ბრიტანელ მკვლევარ დანიელ პარსონთან, რომელმაც კოლეგებთან ერთად შავ ზღვაში წყლისქვეშა მდინარე აღმოაჩინა. პარსონისა და მისი კოლეგების სამეცნიერო ნაშრომი ჟურნალ Geology-ის მომავალ ნომერში გამოქვეყნდება.
როდესაც მოვლენებს ქვეყნის შიგნიდან, საქართველოდან აკვირდები, არ ჩანს, რომ აგვისტოს ომის შემდგომ არა მხოლოდ ჩვენი ქვეყანა, არამედ მთელი კავკასია გადავიდა ახალ რეალობაში. მანამდე მხოლოდ ახალი გამწვავების ტენდენციები და ახალი პოლიტიკური კავშირების ალბათობა არსებობდა. ომმა ეს ყველაფერი შეცვალა და შექმნა ახალი პროდუქტი. ახლა უკვე კავკასიაში, ყველამ ახალი ცხოვრება უნდა დავიწყოთ ახალი პირობებიდან გამომდინარე.
ნასვამ მდგომარეობაში ავტომანქანის მართვის შემთხვევაში, მძღოლი 200 ლარით დაჯარიმდება, 50 ლარით დაჯარიმდება ღერძულა ხაზის გადაკვეთისთვის, 40 ლარით _ ღვედის გამოუყენებლობისთვის, ესკორტისთვის ხელის შეშლის შემთხვევაში მძღოლს მართვის უფლება ერთი წლით ჩამოერთმევა. კანონი პირველი აგვისტოდან ამოქმედდება.
„კავკასიური სახლის“ წარმომადგენლობასთან ერთად მოქალაქეები შენობისთვის „სმირნოვების მუზეუმის“ სტატუსის მინიჭებას აპროტესტებენ. ამასთან დაკავშირებით დღეს „კავკასიურ სახლში“ პრესკონფერენცია გაიმართა, რომელსაც ორმოცდაათამდე მოქალაქე დაესწრო. დღესვე დაიწყო ხელმოწერების შეგროვება კულტურული ურთიერთობების ცენტრის მხარდასაჭერადაც.
8 ჰექტარამდე ტყე განადგურდა, ხანძრის შედეგად, დაბა სურამთან, ხოლო თუ რა ფართობს მოიცავს ხანძარი, რომლის ლოკალიზებაც სოფელ აწყურთან მესამე დღეა ვერ ხერხდება, ჯერ უცნობია.
ივლისის თვის ჟურნალ “საიენსში” (Science) ახალი აღმოჩენის შესახებ გამოქვეყნდა, რაც იძლევა იმედს, რომ მეცნიერები შიდსის ვირუსის საწინააღმდეგო ვაქცინის შექმნას შეძლებენ.
ე.წ.ვაგზლის ბაზრობის მოვაჭრეები დაახლოებით ერთი თვეა ბაზრობაზე ყავას აღარ სვამენ. თბილისის მერია და ბაზრობის ადმინისტრაცია მოვაჭრეებისთვის 80– თეთრიანი ყავის შეთავაზებაზე პასუხისმგებლობას ერთმანეთს აკისრებენ.
საქართველოს გარემოს დაცვისა და ბუნებრივი რესურსების სამინისტროს ინფორმაციით, დღემდე არ გაურკვევიათ, არის თუ არა მდინარე მაშავერას მძიმე ლითონებით დაბინძურების მიზეზი სააქციო საზოგადოება ”მადნეულის” საქმიანობა. გარემოს დაცვის მინისტრი მაისში ნეტგაზეთთან საუბარში ამბობდა, რომ გარემოს დაცვის ინსპექცია საწარმოს შესამოწმებლად შევიდა, თუმცა ინსპექციის უფროსმა ეს ინფორმაცია არ დაადასტურა.
თბილისის წყალსაცავის მიმდებარე ტერიტორიაზე მიწისქვეშა დინება (ფილტრაცია) მიმდინარეობს, რაც თბილისის ზღვის გარშემო მდებარე სახლების საძირკვლებს აზიანებს. 2007 წლიდან თბილის წყალსაცავი აღსადგენ საწყალსატევო სადგურთა რიცხვში შევიდა და დაიხურა, რაც იმას ნიშნავს, რომ წყალსაცავის მდგომარეობის შესწავლა და მასზე დაკვირვება აღარ მიმდინარეობს.
სააკაშვილის პირველი საპრეზიდენტო არჩევნების დროს ბოლნისის ერთ-ერთ სოფელში კოორდინატორად იმუშავა. ”100%-იანი ხმები მთელ სოფელში მხოლოდ ჩემი კარგად მუშაობის შედეგად აიღო სააკაშვილმა, ახლა კი მაგის მთავრობა მეუბნება, შევარდნაძის დევნილი ხარ, ჩვენი -არა და სადაც გინდა, იქ იცხოვრეო”.
გამომცემლობა "სამშობლოს" ყოფილი შენობიდან დევნილებს ასახლებენ. შენობას გარს პოლიციის კორდონი აქვს შემორტყმული, გადაკეტილია თამარ ჭოველიძის ქუჩაც. დევნილებისთვის უცნობია, სამართალდამცავებს სად მიაქვთ მათი ნივთები.
24 ათას 311 აბორტი დაფიქსირდა 2009 წელს საქართველოში ჯანდაცვის სამინისტროს წინასწარი მონაცემებით. ქალთა რეპროდუქციის საკითხებზე ჩატარებულმა ბოლო კვლევამ კი აჩვენა, რომ ქვეყანში აბორტების რეალური ციფრი დაახლოებით 7 –ჯერ აღემატება ოფიციალურ მონაცემებს.
ქართველი ფსიქოლოგები, ფსიქიატრები, ნეიროფსიქოლოგები და ნარკოლოგები, რომლებსაც ნეტგაზეთი გაესაუბრა, აკრიტიკებენ პროგრამას, რომლის მიხედვითაც, მშობლებს იმის დადგენას პირდებოდნენ, აქვთ თუ არა მათ შვილებს მიდრეკილება კრიმინალური ქცევების, ნარკომანიის, ალკოჰოლიზმისა და სხვა მავნე ჩვევების მიმართ .
საქართველოს ოცამდე მოქალაქემ ირანელი ქალების მხარდასაჭერად ირანის საელჩოსთან აქცია მოაწყო. „აქციის პროვოცირება 43 წლის საქინე მოჰამადი აშთიანის გახმაურებულმა ამბავმა გამოიწვია, რომლის ჩამოხრჩობას ირანში, როგორც ცნობილია, ხვალ გეგმავენ“, –ამბობს აქციის თანაორგანიზატორი, ირანისტი თინათინ ჯაფარიძე.
საქინე მოჰამადი აშთიანის სიკვდილით დღეს დასჯიან. ირანში გაზეთებს, საინფორმაციო სააგენტოებსა და ტელევიზიებს მოჰამადი აშთიანის სასიკვდილო განაჩენის გაშუქება აკრძალული აქვთ.
13 ათასი ქოთნის მცენარე დაამშვენებს ბათუმის ძველ, ცენტრალურ ქუჩებს - ამბობენ ბათუმის მერიაში. სპეციალისტები კი ეჭვობენ, რომ ეკოლოგიური თვალსაზრისით, ვერტიკალური გამწვანება ქალაქში მრავალწლოვან ხეებს ვერ ჩაანაცვლებს.
კაპრისა004 (გელი), რომლის შექმნისთვის ფინანსები არაერთმა საერთაშორისო ორგანიზაციამ გაიღო, ფორუმის მთავარი მოვლენაა. ვაგინალური გელის ტესტირების შედეგები საერთაშორისო ფორუმზე წარადგინეს, რომელშიც ქართველი სპეციალისტებიც მონაწილეობენ.
საგარეო საქმეთა მინისტრის მოადგილესთან, გიგა ბოკერიასთან ინტერვიუს ჩანაწერი ”მაესტროს” ეთერში არ გავიდა, რის გამოც გადაცემა ”პოლიტმეტრის” წამყვანმა ნინო ჟიჟილაშვილმა ტელეკომპანია დატოვა, გადაცემა კი დაიხურა. არხის გენერალური დირექტორი აცხადებს, რომ ფორმატის შეცვლა წამყვანმა არხის ხელმძღვანელობას არ შეუთანხმა, რაც კახა ბექაურის აზრით, ჟურნალისტური სტანდარტის დარღვევაა.
1 აპრილს საზოგადოებრივმა მაუწყებელმა "შეუფერხებელი ფუნქციონირებისთვის" მთავრობას 3 მილიონი ლარი დამატებით მოსთხოვა. ტელევიზიიდან მოწოდებული დოკუმენტების მიხედვით კი, ეს ფული, ძირითადად, სოფო ნიჟარაძის ევროვიზიაზე გამოსვლასა და ფეხბურთში მსოფლიო ჩემპიონატის ტრანსლაციას მოახმარა. მაუწყებელმა ევროვიზიის, ფეხბურთის ჩვენების, სატელიტის მომსახურებისა და კიდევ სხვა ხარჯებისთვის – 17 მილიონამდე ლარი წლის დასაწყისშიც მიიღო. "ბათუმელების" ჟურნალისტური გამოძიებით ცნობილი გახდა, რომ საზოგადოებრივმა მაუწყებელმა თანხები არამიზნობრივად დახარჯა.
თბილისის ყველაზე ძვირადღირებულ საცურაო აუზებზეც კი არსებობს შანსი, რომ ადამიანი ფეხის სოკოთი დაავადდეს. ექსპერიმენტის ჩასატარებლად ნეტგაზეთის ჟურნალისტი პირველად „ლაგუნა ვერეს“ საცურაო კომპლექსში მივიდა. წასვლამდე ფეხისა და ხელის ფრჩხილებზე მუქი ფერის ლაქი წაისვა.
ისტორიის დამატებით სახელმღვანელოს, რომელიც ჯერ გამოცემული არ არის და რომელსაც განათლების სამინისტრო, სავარაუდოდ, სექტემბრიდან მე–10 -11 კლასებში შეიტანს, რია ნოვოსტიმ თბილისსა და მოსკოვს შორის ვიდეო ხიდი მიუძღვნა.
აფხაზეთიდან დევნილთა ნაწილი, რომლებიც თვალის კლინიკაში 16 წელია ცხოვრობენ, აპროტესტებენ ინვესტორის გადაწყვეტილებას, რომლის მიხედვითაც, დევნილებს ან დამწვრობის ცენტრში შეასახლებენ, ან 10 ათას აშშ დოლარს გადაუხდიან.
2010 წელს შევსებული ქონებრივი დეკლარაციების მიხედვით, საქართველოს მთავრობის დიდი ნაწილი უსახლკაროა. ისინი ოჯახის წევრების საკუთრებაში არსებულ საცხოვრებელ ბინებში ცხოვრობენ. ამ ჩამონათვალში მოხვდა საქართველოს პრეზიდენტიც, რომელიც ამჟამად საპრეზიდენტო რეზიდენციაში ცხოვრობს. მიხეილ სააკაშვილს საკუთარი სახლი არ გააჩნია.
გლდანის ხიდის დანგრევას 63 წლის ექიმი ემსხვერპლა. იმავე დღეს გარდაიცვალა გლდანის მეორე მკვიდრიც. მისი სიკვდილის თვითმხილველები კი ყვებიან, როგორ დაენარცხა ბეტონზე ახალგაზრდა მამაკაცი. გამხმარი სისხლის ნაკვალევი ახლაც ეტყობა ხიდის ქვეშ დაგებულ ნაცრისფერ ბეტონს. იქვე გდია ”ნივის” მარკის ავტომობილის საჭის ნატეხი.
თბილისში, სოფელ გლდანულაში, მცხოვრები 620 ოჯახი ადიდებულმა მდინარემ სასმელი წყლის გარეშე დატოვა. მოსახლეობის ნაწილს სახლთან მისასვლელი გზა დაუზიანდა. მოქალაქეები მთავრობის მხრიდან უყურადღებობას უჩივიან.
ერთ დღეს ის უბრალოდ გაუჩინარდა, არავის არ ჰქონდა ინფორმაცია მისი ადგილსამყოფელის შესახებ, - ასე იწყება იმ ფილმის გმირის ისტორია, რომლის პრეზენტაციაც დღეს კინოს სახლში ,,ადამიანის უფლებათა ცენტრმა'' გამართა. დოკუმენტური ფილმი ,,დაწიოკება საქართველოს სახელით'' საქართველოს ორი ეთნიკურად ოსი მოქალაქის ისტორიას გვიამბობს.
გია კუპრავას ოჯახმა, რომელიც რამდენიმე დღის წინ კიდევ ორ ოჯახთან ერთად თბილისის მერიასთან ცხოვრობდა, მერიის რჩევით საცხოვრებელი შეიცვალა და ოჯახის მდგომარეობის შესაფასებლად, კომისიას უკვე რამდენიმე დღეა ელოდება.
სკოლის დირექტორების დანიშვნის შესახებ გადაწყვეტილებით, საქართველომ უარი თქვა სკოლების დეცენტრალიზაციის დაწყებულ რეფორმაზე. აშშ-ს და ევროპის ქვეყნების მაგალითი, რომელიც დიმიტრი შაშკინმა ამ გადაწყვეტილების გასამართლებლად მოიყვანა, სიმართლეს არ შეესაბამება. არც აშშ-ში და, იშვიათი გამონაკლისების გარდა, არცერთი სხვა ევროპული ქვეყნის სკოლებში დირექტორს სახელისუფლებო ორგანო არ ნიშნავს. ”ძალიან ცუდი იდეაა. ეს ნიშნავს, რომ ძალიან დიდი ძალაუფლება მინისტრის ხელში გადადის. შესაძლებელია, რომ მან ისეთი ადამიანები დანიშნოს დირექტორებად, რომლებიც მას პოლიტიკურად ეთანხმებიან”- ამბობს ამერიკელი პროფესორი ოჯინ ტაკერი.
ბათუმში ზღვის წყლის ხარისხი დამაკმაყოფილებელია და ტურისტებს არავითარი საფრთხე არ ემუქრებათ - აცხადებენ აჭარის გარემოს დაცვის სამმართველოში. თუმცა ჯერ კიდევ მოუგვარებელი რჩება “ისტორიული” პრობლემა - საკანალიზაციო არხების მეშვეობით ფეკალური მასები ზღვაში ისევ გაედინება.
ხიდის ნაწილი, რომელიც წლების მანძილზე გამაგრებით სამუშაოებს მოითხოვდა, გუშინ ადიდებულმა მდინარე გლდანულამ ჩამოანგრია. ხიდის ჩამონგრევას 2 ადამიანი ემსხვერპლა.
საქართველოს გარემოს დაცვისა და ბუნებრივი რესურსების სამინისტროს ეროვნული სააგენტოს მონაცემებით, საქართველოს ტერიტორიის 70% სტიქიის საშიშროების არეალში იმყოფება, მათ შორის, 3000-მდე დასახლებული პუნქტი.
ნეტგაზეთის მიერ ჩაწერილი ინტერვიუდან ჩანს, რომ კონფლიქტის ზონაში მდებარე სამი ქართული სოფლისთვის წყლის მოწოდების აღდგენის საკითხზე შეთანხმება სწორედ რუს სამხედროებთან არსებობდა. ალიკა ჯალაბაძე ყვება, რომ მას გამგებელმა დაავალა, წყლის ჩასართველად ოსების მიერ კონტროლირებად ტერიტორიაზე გადასულიყო. რუსმა სამხედროებმა დანიშნულების ადგილას მისვლა დააგვიანეს და ალიკა ჯალაბაძე ოსებმა დააკავეს.
5 ადამიანი თბილისის მერიასთან არსებულ მიწისქვეშა გადასასვლელთან გაურკვეველი დროით იცხოვრებს. ისინი რამდენიმე წელია ქალაქის მერიის სოციალურად დაუცველთა ადამიანების სიაში მოხვდნენ. 2008 წლიდან კი, სახლებში მონიტორინგის ჯგუფს ელოდებიან, რომელიც მათ სოციალურ მდგომარეობას შეაფასებს, და თუ გაუმართლათ, გაიმარჯვებენ.
განადგურებულია კურორტების- შოვისა და ტურბაზის- 50%, აცხადებს ონის საკრებულოს თავმჯდომარის მოადგილე ნოდარ ბურდილაძე. იმ შემთხვევაში, თუ კურორტ შოვთან მდებარე სოფელ გლოლაში ღვარცოფული ნაკადი კიდევ დაიძვრება, შეიძლება კიდევ რამდენიმე საცხოვრებელი სახლი დააზიანოს. მთიდან ჩამოსულმა ე. წ. გლაცეოლოგიურმა ღვარცოფმა, რომელიც წარმოადგენს ნაშალი ქანების, თოვლისა და ყინულის ნაკადს, მდინარე ბრდღვიულას კალაპოტი უკვე მთლიანად ამოავსო და სოფლის თავზე გროვდება.
„მდინარე ბდღვიორას ხევის კალაპოტი უფრო გამტარუნარიანი რომ ყოფილიყო, ამდენი რაოდენობის ლაფი მდინარის კალაპოტიდან არ გადავიდოდა,“- ამბობს ომარ აბუთიძე, გეოლოგი საქართველოს ეროვნული სააგენტოდან.
B001 by netgazeti.ge
აგვისტოს ომის შემდეგ საერთაშორისო დონორებმა დევნილთა საცხოვრებელი სახლების უზრუნველყოფისათვის ჯამში 74, 5 მილიონი ევრო გამოყეს. ეს თანხა საქართველოს მთავრობის მხრიდან პერიოდულად ირიცხებოდა თანხები საქართველოს მუნიციპალური განვითარების ფონდის, საქართველოს ლტოლვილთა და განსახლების სამინისტროსა და სხვადასხვა მუნიციპალიტეტების გამგეობებისათვის. ახალგაზრდა იურისტთა ასოციაციის მონიტორინგის შედეგად გამოვლინდა, რომ გამოყოფილი თანხები არამიზნობრივად იხარჯებოდა სახელმწიფოს მხრიდან. ხარჯთაღრიცხვის დამადასტურებელი საბუთები მთელ რიგ შემთხვევებში იყო დეფექტური და შეუსაბამო.
სვანეთში, ძლიერი წვიმების გამო, სოფლებს შორის კავშირი გაწყვეტილია. სამი დღის წინ მდინარეებმა, ჭუბრულამ და ნენსკრამ, მესტიის რაიონის ცენტრალური რკინის ხიდი წაიღო. ამჟამად ამ მდინარეების გაღმა მდებარე სოფლების მოსახლეობა ვერ გადმოდის მდინარის მეორე მხარეს. იხილეთ ფოტორეპორტაჟი და ვიდეო
სვანეთში ახლაც წვიმს. ძლიერი წვიმების გამო სოფლებს შორის კავშირი გაწყვეტილია. სამი დღის წინ მდინარეებმა – ჭუბრულამ და ნენსკრამ, მესტიის რაიონის ცენტრალური რკინის ხიდი წაიღო. ამჟამად ამ მდინარეების გაღმა მდებარე სოფლების მოსახლეობა ვერ გადმოდის მდინარის მეორე მხარეს.
სასერტიფიკაციო გამოცდები საბაზო და საშუალო საფეხურის მასწავლებლებისთვის წელს საქართველოში პირველად ტარდება. ვარაუდობენ, რომ გამოცდის წარმატებით ჩაბარების შემდეგ მასწავლებლებს ხელფასი 160 ლარით გაეზრდებათ. წელს საკუთარ კომპეტენციას მასწავლებელთა 18.5 % გამოცდის.
ბრუსელში, მიგრაციასთან დაკავშირებით, ევროკავშირისა და საქართველოს წარმომადგენლებს შორის გამართული შეხვედრები ადასტურებს, რომ ევროპა საქართველოსთვის გარკვეული შეღავათების დაწესებაზე ფიქრობს და, ამავდროულად, რიგ საკითხებთან მიმართებაში, მისგან პასუხისმგებლობების აღებას და აქტივობას ელის.
2008 წლის აგვისტოს ომის შემდეგ ცხინვალის რეგიონიდან დევნილები, სპეციალურად მათთვის აშენებულ კოტეჯებში შეასახლეს. მშენებლობა დაჩქარებულად და, შესაბამისად, უხარისხოდ მიმდინარეობდა. წელიწადნახევრის შემდეგ კოტეჯების უმრავლესობას კაპიტალური რემონტი სჭირდება. ამჟამად კოტეჯების კედლები ისევ სველია და ნესტის გამო დაობებულია, ბევრ სახლში ღარებგაჩენილი იატაკიდან ბალახი ამოდის. მეტალოპლასტმასის დეფორმირებული კარ-ფანჯრებიდან კი წყალი შედის. წვიმის წყალი კოტეჯებში სახურავებიდანაც ჩადის.
14 ივნისს საქართველოში შეზღუდული შესაძლებლობის მქონე პირთა უფლებათა დაცვის დღეს აღნიშნავენ. საქართველოში 140 125 სახელმწიფო პენსიის მიმღები შეზღუდული შესაძლებლობის მქონე პირია რეგისტრირებული. ბევრისთვის ისინი უბრალოდ ”ინვალიდები” არიან.
არასრულწლოვნებს მავნე ზეგავლენისგან (ალკოჰოლური სასმელებისა და თამბაქოს მოხმარება, აზარტულ თამაშებში მონაწილეობა) კანონმდებლობა იცავს. გადაცემა „ვა-ბანკში“ „ნიჭიერის“ მონაწილე უკვე მეორედ მიიწვიეს.
ახლა აქ არის ისეთივე კვება, როგორც შეიარაღებულ ჯარებში. უნდა მიხაროდეს? არ ვიცი, არა მგონია. მაგრამ ის მიხარია, რომ ჯარივით კვება რომაა, ეს შეიძლება არ არის სოციალურად სამართლიანი, მაგრამ სამართლიანია იმ ოჯახების მიმართ, რომლებსაც მოეხსნათ ტვირთი პატიმრების შენახვის” - განაცხადა პრეზიდენტმა სააკაშვილმა 1 ივნისს.
საქართველოში რუსულენოვანი ბეჭდური მედიის რედაქტორების ნაწილი მათი გამოცემების წინაშე არსებულ პრობლემებში სახელმწიფოს ადანაშაულებს. რედაქტორები თვლიან, რომ ხელისუფლება რუსულ ენასთან მიმართებაში არასწორ პოლიტიკას ატარებს.
საქართველოს ტერიტორიული მთლიანობისთვის დაღუპულ, უგზო–უკვლოდ დაკარგულ და ჭრილობების შედეგად გარდაცვლილთა ოჯახების სოციალური დაცვის შესახებ კანონი წლების მანძილზე ცვლილებებს განიცდიდა.
ახალგორელებს კიეზას ფილმი "დამოუკიდებლობის გზა” ნაკლებად აინტერესებთ. ახლა ისინი იმას ფიქრობენ, როგორ შეფასდება მათ მიერ ოსური პასპორტების აღება დანარჩენ საქართველოში, ბევრი მათგანი დაბის დატოვებას არ აპირებს , რადგან მიიჩნევს, რომ საკუთარი სახლის დაცვით და შენერჩუნებით საქართველოსთვის სასიკეთო საქმეს აკეთებს. გუშინ ახალგორიდან კიდევ ერთი ახალი ამბავი გავრცელდა. ახალგორის რაიონში შესვლა შესაძლოა, ფასიანი გახდეს. ახალგორელების ინფორმაციით, რაიონში შესვლა და გამოსვლა, სავარაუდოდ, 250 რუბლი ეღირება.
გარემოს ეროვნული სააგენტოს მონაცემებით, მაისში მდინარე მაშავერაში სხვადასხვა მძიმე ლითონების კონცენტრაცია 4-ჯერ და მეტჯერ აღემატებოდა დასაშვებ ნორმას. მდინარე მაშავერას ადგილობრივი მოსახლეობა სარწყავად იყენებს, რამაც მძიმე ლითონების სასოფლო-სამეურნეო პროდუქტებში გადატანა გამოიწვია, რაც დაადასტურეს გერმანელმა მეცნიერებმა. მაშავერას არხით მორწყული ხილი და ბოსტნეული თბილისის ბაზრობებშიც იყიდება, დაბინძურების წყარო კი, გარემოსდამცველებისა და გერმანელი მეცნიერების აზრით, მადნეულია.
ათეულობით შეზღუდული შესაძლებლობის მქონე პირი, არჩევნებში მონაწილეობას, მობილური ჯგუფების დახმარებით მიიღებს. ცესკომ არასამთავრობო ორგანიზაციებს გრანტის სახით თანხა გამოუყო, რათა შეზღუდული შესაძლებლობების მქონე ადამიანების მონაწილეობა არჩევნებში ხელმისაწვდომი გამხდარიყო.
„პარტიათა უმრავლესობის შიდა პოლიტიკა გენდერულად ბრმაა. იმის მიუხედავად, საარჩევნო პროცედურები წესდებაში დეტალურადაა გაწერილი, თუ არა, არსად არაა მითითებული პოლიტიკაში ქალთა დაწინაურებისთვის აუცილებელი, განსხვავებული ზომების შესახებ და ყველა წესდება ქალსა და მამაკაც წევრებს ერთნაირად, სქესის განურჩევლად განიხილავს“ - ნათქვამია კვლევაში, რომელზე მუშაობაც ქალთა ფონდმა "ტასომ" მაისში დაასრულა.
იმ შემთხვევაში, თუ მასწავლებელთა ეთიკის კოდექსის სამუშაო ვერსია ძალაში შევა, სკოლის პედაგოგს არ ექნება უფლება, მისივე მოსწავლე კერძოდ მოამზადოს, მიიღოს საჩუქარი , თავს მოახვიოს მოსაწავლეს საკუთარი შეხედულებები, მოიხმაროს ალკოჰოლი ან სიგარეტი სკოლის ტერიტორიაზე.
ოპოზიციის კანდიდატები, ჯანდაცვის ბიუჯეტის გაზრდის ხარჯზე, ამომრჩეველს თითქმის სრულყოფილ ჯანდაცვას პირდებიან. ჯანდაცვის ამჟამინდელ მინისტრს კი ბიუჯეტის თუნდაც გაორმაგება, მომდევნო 2-3 წელიწადის განმავლობაში, შეუძლებლად მიაჩნია. კონკრეტულად რას პირდებიან პარტიები, როგორ აპირებენ დაპირების რეალობად ქცევას გამარჯვების შემთხვევაში და რამდენად რეალურად გამოიყურება ეს პროგრამები?
„ქალთა ინიციატივების მხარდამჭერი ჯგუფი“, ჰომოფობიასთან ბრძოლის დღესთან დაკავშირებით, ორი ღონისძიების ჩატარებას გეგმავდა, თუმცა მათგან ერთ-ერთი - უილიამ უაილერის 1961 წელს გადაღებული ფილმის ჩვენება - ჩაიშალა. თარიღის აღნიშვნის მცდელობა ჰომოფობიის გამოვლინებით დაიწყო. 17 მაისს ჰომოფობიასთან და ტრანსფობიასთან ბრძოლის დღეს მსოფლიოს მრავალ ქვეყანაში აღნიშნავენ (IDAHO). 1990 წლის ამ დღეს მსოფლიო ჯანმრთელობის ორგანიზაციამ ჰომოსექსუალობა ავადმყოფობათა საერთაშორისო კლასიფიკაციიდან ამოიღო.
უკვე 15 წელია, რაც კონიაკის დასახლებაში მცხოვრებ 16 ოჯახს, ადგილის ტენიანობის მომატების გამო, პრობლემები აქვთ. მათი საცხოვრებელი სახლების მიმდებარე ტერიტორიაზე თბილისი-ჟინვალის მილსადენი გაედინება.
მოახლოვებული ადგილობრივი თვითმართველობის არჩევნების წინ, საზოგადოებაში აზრთა სხვადასხვაობის გამო, აქციები ხან ,,უკანონო პატიმრების” უფლებების დაცვისთვის, ხან კი- სიტყვისა და რელიგიური მრწამსის თავისუფლებისთვის იმართება. არასამთავრობო ორგანიზაციები საზოგადოებაში არსებულ ტენდენციებს იკვლევენ.
მოქალაქის ერთი ფოტოსურათის გვერდით მეორე უფრო მკრთალი , ელექტრონული მეხსიერების მატარებელი ფოტოსურათი, თითის ანაბეჭდების ინფორმაცია, სპეციალური ნიშანი ყდაზე და ცოტა შეცვლილი დიზაინი, -ეს ბიომეტრიული პასპორტია, რომლის აღებაც საქართველოს მოქალაქეებს უკვე შეუძლიათ.
„კონსერვატორების“ მიერ დღეს გავრცელებული ინფორმაცია, რომ სარაჯიშვილის 15 ნომერში დევნილებს 2 წელიწადი ელექტროენეგრია არ მიეწოდებათ, სიმართლე არ აღმოჩნდა.
”ომი ომია!” - ასეთი იყო ცხინვალის ერთ-ერთი ე.წ.ოფიციალური პირის პასუხი 2008 წლის აგვისტოში ქართველების მიმართ განხორციელებულ ძალადობაზე. დღეს კი 5 არასამთავრობო ორგანიზაცია ადამიანის უფლებათა ევროპულ სასამართლოში 1000-მდე ომის მსხვერპლის ინტერესებს იცავს
„მშენებლობის პროცესის უსწრაფესმა ტემპებმა ჰუმანიტარულ ოპერაციებში მომუშავე ბევრი საერთაშორისო ორგანიზაცია გააკვირვა. იმის გამო, რომ ახალი კოტეჯები ლამის ერთ ღამეში გაჩნდა, მათ მეტსახელად „სოკო სოფლებიც“ კი უწოდეს“, –ნათქვამია იმ ანგარიშის შესავალში, რომელიც ფონდ „ღია საზოგადოება–საქართველოსა და „გამჭვირვალე საერთაშორისო დახმარება საქართველოსთვის“ მხარდაჭერით მომზადდა.
ნამცხვარი “პრიჩუდა“ , ”ეკლერი“, „რულეტი“ და სხვა ტკბილეული საფუარი სოკოებისა და სტაფილოკოკების დასაშვებ ნორმაზე ბევრად მეტი რაოდენობას შეიცავს, რომელიც ადამიანებში სხვადასხვა სახის დაავადებას და მოშხამვას იწვევს - აცხადებს საქართველოს მომხმარებელთა ასოციაცია.
შემოვლითი რკინიგზის გაყვანის გამო ავჭალის სააგარაკო დასახლების მცხოვრებლების ნაწილს გაასახლებენ, ნაწილს კი ლიანდაგიდან 20-50 მეტრში მოუწევთ ცხოვრება. გაურკვეველ მდგომარეობაში მყოფმა მოსახლეობამ ჯერ არ იცის როგორ პირობებს სთავაზობს “საქართველოს რკინიგზა”.
ეთიკის ქარტიის საბჭო კიდევ ერთი ჟურნალისტის საქმეს განიხილავს. ალექსანდრე ელისაშვილის, ტელეკომპანია „კავკასიის“ ჟურნალისტის წინააღმდეგ ფონდ „ინკლუზივის“ პრეზიდენტმა, პაატა საბელაშვილმა საჩივარი შეიტანა.
ეთერ თურაძის, ქარტიის საბჭოს თავმჯდომარის თქმით, საჩივარი ჟურნალისტის მიმართ შესულია ქარტიის მე-7 პრინციპის დარღვევისთვის.
საქართველოში სომეხთა სათვისტომო, რომელიც დაახლოებით 500-მდე წევრს აერთიანებს, საქართველოს პრეზიდენტს და პარლამენტს მიმართვას უგზავნის და ოსმალეთის იმპერიაში სომეხთა გენოციდის აღიარების თხოვს. დეპუტატების ნაწილი ფიქრობს, რომ სომხების გენოციდის აღიარება ნაადრევია.
”ანაზღაურება 500 ლარიდან მზარდი, გიწვევთ სამუშაოდ ოფისში”, _ ”ბათუმელების” რესპონდენტები ამ შინაარსის განცხადებების საფუძველზე მივიდნენ ”საქართველოს თავისუფალი ბიზნესჯგუფში”. მათი მიზანი დასაქმება იყო. ახლა ისინი თავს მოტყუებულად გრძნობენ. კომპანიის ხელმძღვანელს კი თავისი, ამის საწინააღმდეგო არგუმენტები აქვს. საიას იურისტი ”გაზეთ ბათუმელების” მიერ მოპოვებულ ფაქტებზე დაყრდნობით კანონის დარღვევაზე მიუთითებს.
საქართველო C ჰეპატიტით დაინფიცირებულთა მაჩვენებლით მსოფლიოში მესამე ადგილზეა. დაინფიცირებულს მკურნალობა კვირაში, დაახლოებით, 500 ლარი უჯდება. მკურნალობის ხარჯებს არც სახელმწიფო აფინანსებს და არც სადაზღვევო კომპანიები.
. ,საქართველო - მსოფლიოში ნომერ პირველი ქვეყანაა კორუფციასთან ბრძოლის კუთხით”, - ამ შინაარსის რეკლამებს ათავსებს BBC-სა და CNN-ზე ქვეყანა, რომელსაც ამავე რეკლამის მიხედვით საქართველოს არ უყვარს (სძულს-პირდაპირი თარგმანი) იყოს მეორე (Georgia -Hate to be second).
არასამთავრობო ორგანიზაცია ,,საერთაშორისო გამჭვირვალობა-საქართველო” აცხადებს, რომ საქართველოს დამზადებულ სარეკლამო რგოლის თავდაპირველ ვერსიაში ინფორმაციის წყარო
დ სწორედ ეს ორგანიზაცია იყო დასახელებული. თუმცა ამჟამინდელ ვერსიაში, რომელიც დღეში რამდენჯერმე გადაიცემა CNN ზე ნათქვამია, რომ საქართველო მსოფლიოში ნომერ პირველი ქვეყანაა კორუფციასთან ბრძოლაში საერთაშორისო მონაცემების მიხედვით”.
უცნობია, ვინ დააფინანსებს საგანმანათლებლო პროგრამას „ისწავლე და ასწავლე საქართველოსთან ერთად,“ რომლის მიზანი ქართველ მოსწავლეებში ინგლისური ენის ცოდნის დონის ამაღლებაა. პრეზიდენტ სააკაშვილის განცხადებით სექტემბრიდან საქართველოს ყველა სკოლაში იმუშავებს ინგლისური ენის მაწავლებელი, რომელიც ინგლისურენოვანი ქვეყნიდან იქნება.
„ეს ძალიან კარგი იდეაა, იმიტომ რომ ერთი მხრივ შეაჩვევს ბავშვებს კომპიუტერთან მუშაობის წესებს, და მეორე, რაც არანაკლებ მნიშვნელოვანია, შეამსუბუქებს მათ ჩანთას. ჩემი აზრით ბავშვების ძალიან მძიმე ჩანთებით სიარული პრობლემაა სააქართველოში“ - ამბობს ილიას სახელმწიფო უნივერსიტეტის რექტორი გიგი თევზაძე ხელისუფლების ახალ ინიციატივაზე, რომლის მიხედვითაც ც პირველკლასელები წიგნების ნაცვლად საჩუქრად ლეპტოპებს მიიღებენ ახალი სასწავლო წლიდან.
გამოცდების ერთიანი ეროვნული ცენტრის დირექტორის, მაია მიმინოშვილის თქმით, პედაგოგები, რომლებიც სასერტიფიკაციო გამოცდაში კომპეტენციის ზღვარს ვერ გადალახავენ, გამოცდის გადაბარება 8–ჯერ შეეძლებათ.
დიმიტრი ხოჩიაშვილისთვის გლობალური კლიმატური დათბობა გვალვასა და ძლიერ ქარებთან ასოცირდება. ის დედოფლისწყაროს რაიონის სოფელ ჯაფარიძეში ცხოვრობს და გვალვებისა და ძლიერი ქარების გამო წელს ხორბლის ყანაში კომბაინი საერთოდ არ შეუყვანია.
ისტორია, რომელიც ერთი რამის სიყვარულით შეპყრობილი ადამიანების გაერთიანებით დაიწყო, 2003 წლით თარიღდება, როდესაც 28 წლის ავთო სულაძემ ინტერნეტ გვერდის www.literatura.ge შექმნა გადაწყვიტა. მაშინ ის ერთ-ერთ სახელმწიფო სტრუქტურაში მუშაობდა. მის გვერდით კი ძალიან ცოტა იყო ისეთი ადამიანი, რომელსაც მასავით უყვარდა ლიტერატურა.
900 ზე მეტი პირის ეროვნული გამოცდების გვერდის ავლით და უკანონოდ ჩარიცხვის გამო აკრედიტაცია გაუუქმდა ორ უმაღლეს სასწავლებელს. გადაწყვეტილება აკრედიტაციის ცენტრმა შინაგან საქმეთა სამინისტროს სპეციალური ოპერატიული დეპარტამენტის (სოდი) გამოძიების დასრულებამდე მიიღო. ცენტრის ექსპერტებმა სასწავლებლების დოკუმენტაცია სოდშიც შეისწავლეს.
საქართველოში სტატისტიკური მონაცემების მიხედვით გენდერული ბალანსი არასოდეს ყოფილა დაცული. ყოველშემთხევაში იმ დროიდან, როცა სტატიკის დეპარტამენტი იწყებს ათვლას და მონაცემების შეგროვებას. ეს დრო კი შორეული 1959 წელია, რომლის შემდეგაც უკვე 50 წელია ნებით თუ უნებლიედ ვარღვევთ ბალანსს.
საქართველოს გარემოს დაცვისა და ბუნებრივი რესურსების სამინისტროს ეკონომიკური და მდგრადი განვითარების სამინისტროსთან შესაძლო მიერთება, გარემოს დამცველების თქმით, კიდევ უფრო შეასუსტებს გარემოსდაცვითი ინტერესების გათვალისწინებას პროექტების დამტკიცებისას.
საქართველოს პროფესიული კავშირების გაერთიანებამ პარლამენტს წინ მდუმარე აქცია გამართა. აქციაზე დანთებული სანთლებით პროფკავშირებმა პატივი მიაგეს ტყიბულის მაღაროში დაღუპულ მუშებს და გააპროტესტეს საქართველოში მოქმედი კანონმდებლობა, რომელიც არ იცავს დასაქმებულთა შრომით უფლებებს და მათ უსაფრთხოებას.
გამშვენებული ჯვრის ტარების უფლებით დააჯილდოვა ილია მეორემ დეკანოზი გიორგი ბეჭვაია. დეკანოზის ხარისხი მიენიჭათ აჭარაში მოღვაწე მღვდლებს - ლუკა მიქაბერიძეს, აბრაამ გორდელაძესა და გიორგი მამალაძეს.
სამოქალაქო განათლების გაღრმავების მიზნით, საქართველოს სკოლებში ახალი პროექტი, სახელწოდებით ,,დემოკრატია იწყება შენით!“ დაიწყო. პროექტისათვის ევროკავშირმა 1,88 მილიონი ევრო გამოყო.
უმაღლეს სასწავლებლებში, საშემოდგომო სემესტრის დაწყებამდე, გრანტის გარეშე მყოფ სტუდენტებს პირველ რიგში სწავლის საფასურის გადახდა უწევთ. ვინ როდის უნდა გადაიხადოს სწავლის საფასური - ნეტგაზეთი რამდენიმე უმაღლეს სასწავლებელს დაუკავშირდა.
ევროკავშირის წარმომადგენლობა საქართველოში სააგენტო ”პირველის” მიერ გამოქვეყნებულ ინფორმაციაზე განცხადებას ავრცელებს და მიიჩნევს, რომ მასში უზუსტობაა დაშვებული. ელჩი პერ ეკლუნდი თინა ხიდაშელის გამონათქვამებსაც ეხმაურება.
დღეს საქართველოში ირანის ისლამური რესპუბლიკის საელჩოს წინ ჩაქოლვით სიკვდილით დასჯის წინააღმდეგ საქართველოს ოცდახუთმა მოქალაქემ მორიგი საპროტესტო აქცია გამართა. აქცია მოეწყო საერთაშორისო კამპანიის ფარგლებში, რომელიც საქინე მოჰამადი აშთიანის გადასარჩენად მიმდინარეობს. 28 აგვისტოს 42 წლის აშთიანის დასჯის და, ზოგადად, ჩაქოლვის პრაქტიკის წინააღმდეგ პროტესტი მსოფლიოს ასზე მეტ ქალაქში გამოხატეს.
ერთიანი ეროვნული გამოცდების გასაჩივრების შედეგების გამოქვეყნება 25 აგვისტომდე გადაიდო. ეროვნული ცენტრის ცხელი ხაზი აბიტურიენტებს პასუხობდა, რომ შედეგები 20 აგვისტოს გახდებოდა ცნობილი, თუმცა თარიღმა 23 აგვისტომდე გადაიწია. ეროვნული ცენტრის საზოგადოებასთან ურთიერთობის სამსახურის ხელმძღვანელი, მაია გაბუნია ამბობს, რომ აპელაციის შედეგები, საბოლოო სიებთან ერთად, 25 აგვისტოს გახდება ცნობილი.
დევნილთა ახალი საცხოვრებელი პირობები ძველთან შედარებით მოუწესრიგებელი და არაკომფორტულია. თვალჭრელიძის ქუჩიდან საყვირის ქუჩაზე მდებარე შენობაში ჩასახლებულ დევნილებს უნიტაზები ოთახებში დახვდათ დამონტაჟებული. სოფელ ფოცხო-ეწერში აგვისტოში ჩასახლებული დევნილების საცხოვრებელი პირობების შესახებ სახალხო დამცველის მონიტორინგის ანგარიში კი ლტოლვილთა სამინისტროს ინფორმაციისგან განსხვავებულია.
