რუსთაველის გამზირზე ასფალტის საფარი ჩაინგრა

რუსთაველის გამზირზე, ოპერისა და ბალეტის თეატრის წინ, გზის სავალი ნაწილი ჩაინგრა. ავარიის შედეგად არავინ დაზარალებულა.

ავარიის მიზეზი კანალიზაციის დაზიანებული კოლექტორი აღმოჩნდა. შემთხვევის ადგილზე მერიის კეთილმოწყობის სამსახურისა და თბილისის წყლის კომპანია „ჯორჯიან უოთერ ენდ ფაუერის“ წარმომადგენლები იყვნენ მისული.  

კოლექტორის აღდგენაზე პასუხისმგებელი კომპანია „ჯორჯიან უოთერ ენდ ფაუერი“ -ია. კომპანიის ტექნიკური დირექტორის, ომარ გოცირიძის თქმით, თაღოვანი კოლექტორი მე–19 საუკუნის შუა წლებშია აშენებული. სწორედ ეს გახდა კოლექტორის წყობიდან გამოსვლის მიზეზი.

სააავტომობილო მოძრაობა რუსთაველის მეტროდან თავისუფლების მოედნამდე შეწყვეტილია. მერიის კეთილმოწყობის სამსახურის უფროსის, გიგა ლიპარტიას განცხადებით, რუსთაველის გამზირის სავალი ნაწილის ნახევარზე მოძრაობა ორ დღეში აღდგება.